Jesus is the king of king

MAMBO MUHIMU UNAYOTAKIWA UYAFANYE ILI UPATE KUWA MSHINDI DHIDI YA DHAMBI NA MABAYA YA AINA YOYOTE (IMPORTANT THINGS WHICH YOUR REQUIRED TO DO IN ORDER TO WINER ABOUT SINS)

MAMBO MUHIMU UNAYOTAKIWA UYAFANYE ILI UPATE KUWA MSHINDI DHIDI YA DHAMBI NA MABAYA YA AINA YOYOTE (IMPORTANT THINGS WHICH YOUR REQUIRED TO DO IN ORDER TO WINER ABOUT SINS)  BY WILLY

 

Ndugu  yangu mpendwa tunakusalimu katika jina la Bwana Yesu Kristo. Mimi na familia yangu hatujambo kabisa tunamshukuru Mungu ambaye ameendelea kututunza na kutuvusha mwaka 2012 na kutuingiza mwaka huu wa 2013. Mwaka uliopita kwetu sisi ulikuwa ni mwaka wenye mafanikio mengi sana. Kwa kweli Bwana alitutnza na kutufanikisha kwenye mambo mengi sana, kiafya, kiuchumi, kihuduma tumemuona Mungu akitustawisha. Mwaka jana tumekutana na changamoto nyingi sana pia. Tulimpoteza baba yetu mpendwa Mzee Seth Mwang'onda. Baba yake mke wangu. Tuliwapoteza ndugu zetu wengi sana wa karibu. Lakini tunamshukuru Mungu atufarijiaye na kututia nguvu. Na amini hata wewe mwaka jana Mungu amekufanikisha sana, na hata ulipokwama mwamini Mungu kukutendea mema mwaka huu. Pia tunahitaji sana maombi yako mpendwa. Kwani tuna ratiba ndefu sana mwaka huu, tuombee kwa Mungu ili tufanikiwe sana katika mipango yetu yote. Pia tunahitaji michango yenu mbalimbali. Unaweza kuingia kwenye eneo la kuchangia huduma katika tovuti hii na ukapata maelezo. Ebu tusonge mbele tena na kuziangalia salamu za mwezi huu wa Kwanza kabisa katika mwaka huu wa 2013.  Kumbuka Tumekuwa na salamu zenye kichwa 

 

MAMBO MUHIMU UNAYOTAKIWA UYAFANYE ILI UPATE KUWA MSHINDI DHIDI YA DHAMBI NA MABAYA YA AINA YOYOTE. (SEHEMU YA KWANZA). Neno la Mungu linasema hivi  

 

“Maana neema ya Mungu iwaokoayo wanadamu wote imefunuliwa ; nayo yatufundisha  kukataa ubaya na tamaa za kidunia;...(Tito 2:11).

 

Kila mtu aliyeupokea wokovu lazima ajifunze namna ya kuukataa ubaya na tamaa za kidunia. Ndiyo maana Mungu imempendeza kuweka neno lake ndani yangu ili kila mtu aliyeokoka ampate kujifunza mbinu za kuukataa ubaya na tamaa za kidunia. Katika salamu zilizopita tulianza kuliangalia eneo la MILANGO YA LAANA. Tulianza kuangalia mlango wa kwanza nao ni ule wa kutokuwaheshimu baba na mama. Mwezi huu tuaangalie mlango mwingine unaoweza kupitisha laana kwako wewe na hata katika uzao wako.

 

MLANGO WAPILI: KUTOKUTOA SADAKA NA UCHOYO 

 

Watu wengi waliookoka hujiuliza swali hili. Hivi inawezekana mtu aliyeokoka akapatwa na laana? Na wengine hawajui neno laana maana yake nini. Neno laana maana yake halisi ni nguvu inayozuia mafanikio ya mtu. Yawe mafanikio ya kiroho, kiafya, kiuchumi, kiakili nk. Sasa ngoja nijibu swali hilo. Ni ndiyo. Upo uwezekano kabisa ukawa umeokoka kabisaa lakini ukajikuta umekaliwa na mabaya hayo ya kutokufanikiwa.  Moja ya mlango ambao unawezakupitisha laana katika maisha yako na uzao wako ni huu wa kutokutii agizo la Mungu la kutoa sadaka na ukarimu.

 

Watoto wa Mungu wengi hukimbilia kuomba maombi mengi sana. Wengi hufunga na kuomba sana Mungu awabariki, lakini wanajikuta kila wanapomaliza maombi yao ndiyo wanazidi kukwama. Wengi hufikria ni adui amezuia baraka zao. Hufanya maombi ya kukemea roho zinazozuia mafanikio yao. Lakini wanapomaliza maombi hayo ya kukemea ndipo hukwama zaidi. Wengi hukimbilia kusema ni majaribu mpendwa. Au utawasikia wakisema ni vita mpendwa! Sikiliza ndugu yangu ikiwa leo hii wewe hutoi sadaka, na ukitoa unatoa sadaka kilema, Mungu anakulaani. Angalia maneno haya ya Bwana Mungu jinsi yasemavyo.

 

“Mwana humheshimu baba yake, na mtumishi humcha bwana wake;basi, kama mimi ni baba yenu heshima yangu iko wapi? Na kama mimi ni Bwana wenu, kicho changu ki wapi? Bwana wa majeshi awauliza ninyi, enyi makuhani, mnaolidharau jina langu. Nanyi  mwasema, tumelidharau jina lako kwa jinsi gani? Mnatoa  chakula kilichotiwa unajisi juu ya madhabahu yangu. Nanyi mwasema, sisi tumekutia unajisi kwa jinsi gani? Kwa sababu mwasema, Meza ya Bwana ni kitu cha kudharauliwa. Tena mtoapo sadaka aliyekipofu, si vibaya!na mtoapo sadaka walio vilema na wagonjwa, si vibaya! Haya! Mtolee liwali wako; je!atakuwa radhi nawe? Au atakukubali nafsi yako? Asema Bwana wa majeshi?......... tena mwasema, Tazama, jambo hili linatuchokesha namna gani! Nanyi mmelidharau, asema Bwana wa majeshi; nanyi mmeleta kitu kilichopatika kwa udhalimu, na kilema, na kilicho kigonjwa; ndivyo mnavyoleta sadaka; je! Niikubali hii mikononi mwenu? Asema Bwana. Lakini na alaaniwe mtu mwenye kudanganya, ambaye katika kundi lake ana mume, akaweka nadhiri, ila amtolea Bwana kitu kilicho na kilema; kwa maana mimi ni Mfalme mkuu, asema Bwana wa majeshi, na jina langu latisha katika mataifa.” (Malaki 1:6-14).

 

Ukiyaangalia maneno hayo utagundua kuwa Mungu amesema wazi kuhusu habari ya kuwalaani watu ambao hawamuheshimu. Mungu anazungumza na makuhani, hazungumzi na wapagani. Unajua katika agano jipya kuhani ni mtu gani? Katika Agano Jipya kila mtu ambaye amemwamini Yesu na kumpokea Mungu amempa nafasi ya kuwa kuhani. Sasa sikiliza kuhani wewe. Mungu anasema wazi kuwa ikiwa hautoi sadaka kwa uzuri fahamu atakulaani. Mungu anaikataa sadaka isiyo kamili yeye ameiita sadaka kilema. Kwa lugha nzuri sadaka dhaifu. Fikiria una shilingi laki moja  ya matumizi yako ya kawaida kabisa, na unapewa  nafasi kanisani ya kumtolea Mungu angalia unavyotoa. Unatoa mia tano. Ungekuwa wewe ndiyo umefanyiwa tendo hilo ungefanya nini? Watu wengi watoapo sadaka wanatoa vitu dhaifu, ngoja nikupe mfano. Zaka ya shiringi elfu kumi ni shilingi elfu moja. Wewe unatoa shilingi mia nane. Mungu anakuona umetoa sadaka kilema. Hiyo ni sadaka isiyokamili

 

Na anasema kuwa watu hao walisema jambo hilo limetuchokesha. Ndivyo ilivyo kwa Wakristo wengi. Wanaposikia habari za sadaka, wengi husema hivyohivyo. Kama wewe ni mtu wa tabia hiyo Mungu anasema umelaaniwa kwa laana. Angalia maneno haya katika kitabu cha (Malaki 2:1-4).

 

“Na sasa, enyi makuhani, amri hii yawahusu ninyi. Kama hamtaki kusikia, na kama hamtaki kuitia moyoni, ili kulitu kuza jina langu. Asema Bwana wa majeshi, basi nitawapelekeeni laana. Nami nitazilaani baraka zenu; naama nimekwisha kuzilaani. Kwa sababu hamyatii haya moyoni. Angalieni, nitaikemea mbegu kwa ajili yenu, nami nitapaka nyuso zenu mavi, naam mavi ya sadaka zenu; nanyi mtaondolewa pamoja nayo.”

 

Mungu anasema wazi kuwa ikiwa hatutayatia moyoni maagizo yake ya kutoa sadaka, basi atakachokifanya ni kutulaani. Anasema atapaka mavi katika sura yako. Ebu fikiria ni Wakristo wangapi ambao hawatoi sadaka vizuri na leo hii wanatafuta mpenyo wa kupenya katika suala la mafanikio yao lakini wamekwama? Ni wengi mno. Sikiliza mpendwa leo hii jambo baya sana la kutokufanikiwa kiuchumi limewakalia watu wengi sana, kisa ni laana inayotokana na kutokutoa sadaka, watu wengi hawatoi sadaka ila wanataka baraka. Hata watumishi wa Mungu wengi wamejikuta wamekwama kisa ni hikihiki cha kutokutoa sadaka. Sikiliza mtumishi unatakiwa ujifunze kumtolea Mungu sadaka. Neno la Mungu linatufundisha kuwa Mungu aliwaagiza Walawi na hata Makuhani  wahakikishe wanatoa sadaka. Angalia maneno haya ya Bwana jinsi yasemavyo.

 

“Bwana akanena na Musa na kumwambia, matoleo ya Haruni na wanawe watakayo mtolea Bwana , katika siku atakayotiwa mafuta, ni haya;.....” (Mambo ya Walawi 6:19-23).Angalia na mistari hii. “Kisha Bwana akanena na Musa na kumwambia. Tena utanena na Walawi na kuwaambia  hapo mtakapoitwaa zaka  mkononi mwa wana wa Israeli, niliyowapa ninyi kutoka kwao kuwa urithi  wenu, ndipo mtakaposogeza sadaka ya kuinuliwa kwa Bwana  katika hiyo, iwe zaka katika hiyo zaka. Na sadaka yenu ya kuinuliwa itahesabiwa kwenu kama ndiyo nafaka ya sakafu ya kupuria, na kama kujaa kwake kinu cha kushindikia zabibu. Hivyo ninyi nanyi mtasogeza sadaka ya kuinuliwa kwa Bwana katika zaka zenu zote. Mpokeazo mikononi mwa Israeli; kwa hiyo mtampa Haruni kuhani hiyo sadaka ya kuinuliwa  kwa Bwana.....”(Hesabu 18:25-32).

 

Mungu anatufundisha kupitia maneno hayo wazi kuwa hata watumishi walitakiwa wajifunze kutoa sadaka.

 

Kwa nini leo hii watumishi wengi ni masikini sana? Jibu lake ni hili, angalia utoaji wao wa sadaka. ndipo utakapo ona kinachowazuia wasifanikiwe kiuchumi.  Watumishi walitakiwa kutoa zaka na matoleo mbalimbali ili na wao wapate kubarikiwa na Bwana. Lskini watumishi wengi hawatoi sadaka. Kutokana na kutotii maagizo hayo ya Bwana katika kona hii ya kutoa sadaka, ndio maana utaona watoto wa Mungu wengi hawafanikiwi kiroho, kiafya, kiuchumi nk.

 

Ndugu jifunze kuwa mkalimu, ndipo utapoepukana na jambo baya la laana. Sikiliza Bwana Yesu anatufundisha wazi kuwa lazima tuwape watu vitu ndipo nasi tutakapopewa vitu. Angalia maneno ya Bwana Yesu Kristo.

 

“Wapeni watu vitu, nanyi mtapewa; kipimo cha kujaa na kushindiliwa, na kusukwa-sukwa hata kumwagika. Ndicho watu watakachowapa vifuanimwenu. Kwa kuwa kipimo kilekile mpimacho ndicho mtakachopimiwa.” (Luka6:38).

 

Kama unataka leo mafanikio lazima ujifunze kuwa mkarimu kwa watu na kwa Mungu pia. Angalia namna watoto wa Mungu wengi tulivyo. Utaona tumejaa ubinafsi mwingi sana. Mungu atusamehe na kutuondolea laana. Fikiria namna watu wengi wanavyotaka kupewa vitu mbalimbali kwa wingi, wakati wao hawataki kutoa vitu kwa watu. Hivyo ndivyo tulivyo. Badilika mpendwa ili utoke kwenye laana iliyokukalia. Sikiliza mpendwa Bwana anakupenda sana ndiyo maana leo hii ana kupatia ujumbe huu mzuri ili ubadilike  kutoka kwenye tabia hiyo mbaya ya uchoyo. Siku moja Mungu alinifundisha faida ya ukalimu. Ona mfano huu wa namna Mungu alivyompa Ibrahimu mtoto. Neno la Mungu linasema, Ibrahimu aliwakaribisha nyumbani kwake watu watatu. Walipokaa hapo ndani na kula chakula, ndipo Bwana alipomwambia Ibrahimu kuwa Sara atakuwa na mtoto wakati kama huo mwakani. Fikiria kama Ibrahimu asingewapokea  wageni hao ambao walikuwa ni malaika wawili  na Bwana Mungu mwenywe.

 

Na amini kuwa asingelikuwa mkalimu muujiza wake ungelimpita hivi hivi. Soma Kitabu chote cha (Mwanzo18:1-15) utaiona habari hiyo nzuri ninayokuambia. Sehemu nyingine neno la Mungu linatupa akili likisema hivi.

 

“Msisahau kuwafadhili wageni  maana kwa njia  hii  wengine wamewakaribisha malaika pasipo kujua.” (Waebrania13:2)

 

Fikiria leo hii umemkilimu malaika wa Bwana alipokuja nyumbani kwako, unafikiri Mungu atakufanyia nini? Na amini Mungu atakubariki sana. Ebu tumalizie salamu hizi za mwezi huu mpya wa kwanza kabisa kwa mwaka huu wa 2013 kwa kujifunza kuwa watoto wakalimu na watoaji sadaka njema kwa Mungu ili tufunguliwe kutoka katika mkandamizo wa laana.  Nakushauri jipange moyoni mwako kwa kujiwekea malengo maalumu kwa kujitoa zaidi katika kuhakikisha unafadhiri kazi ya Mungu kwa mali zako, jiwekee malengo ya kuwatunza watumishi wa Mungu na hata kuwafadhiri watu ili Mungu akufungulie mlango wa baraka nyingi kwa mwaka huu wa 2013. Mungu akubariki sana

 

 

BY EVENGEILIST

 

WILLY M. SAMLEGA

KWA NINI NINAPASWA KUOKOKA (WHY SHOULD I REVEVE SALVAVATION?) BY WILLY

Kwa nini ninapaswa kuokoka?

Inakupasa ndugu kuupokea wokovu kwa sababu ndio mapenzi ya Mungu, Watu wengi sana wamezoea kusema hayakuwa mapenzi ya Mungu, au wengine kuomba hivi “ Mapenzi ya Mungu yafanyike” tena wengi wameizoelea ile sala kuu kila waendapo kwenye makusanyiko mbalimbali huisema ile sala kuu na katika hiyo sala kuu kuna eneo ambalo wanaomba wakisema “Mapenzi yako yatimizwe hapa duniani kama huko mbinguni” (MT 6:10). Ninaamini hata wewe sla hii unaifahamu na unamuomba Mungu kila mara mapenzi yake yatimizwe hapa duniani au kwako,kwa jamaa zako na ndugu zako, Lkini nikikuuliza swali je! Unayajua mapenzi hayo ya Mungu amabayo unataka yatimizwe hapa duniani! Bahati mbaya watu wengi hawayajui hayo mapenzi ya Mungu.   

 

Ukisoma maandiko matakatifu utaona kuwa miongoni mwa hayo mapenzi ya Mungu, hili la kila MTU aokolewe au AOKOKE! Ebu sikia maneno haya ya semavyo “Hili ni zuri,nalo la kubarika mbele za Mungu Mwokozi wetu; ambaye hutaka watu wote waokolewe, na kupata kujua yaliyo kweli. Kwa sababu Mungu ni mmoja na mpatanishi kati ya Mungu na wanadamu ni mmoja,mwanadamu Kristo Yesu, ambaye alijitoa mwenyewe kuwa ukombozi kwa ajili ya wote, utakaoshuhudiwa kwa majira yake”. (1Timotheo 2:3-6)  Kama kuna jambo ambalo limepata kibari au limekubarika na Bwana Mungu na  yeye analiona ni zuri, hili la watu waokolewe, na mtu huyo ni wewe!  Kwa nini wewe uokoke? Jibu mojawapo ni hili una kuwa unayatimiza mapenzi ya Mungu. Mungu anataka wewe uokolewe na Mwokozi ni mmoja naye ni Yesu Kristo.  

 

Usipo okoka fahamu una kuwa kinyume na mapenzi ya Mungu, na mtu yeyote yule asiye ya tenda yaliyo mapenzi ya Mungu hata upata uzima wa milele, kwa hiyo na kushauri leo kubali mapenzi ya Mungu ya timizwe kwako, au kwa ndugu na jamaa zako. Watu wengi wanayazuia mapenzi ya Mungu yasifanyike kwao,au kwa watu wengine, lakini kwa bahati mbaya huwa hawajui kuwa wao ndio kizuizi cha mapenzi ya Mungu kutimizwa kwao au kwa watu wengine, unaweza kusema una maana gani?

 

Sikiliza, unapokataa au unapokataza  watu wengine  wasiupokee wokovu unakuwa unayazuia mapenzi ya Mungu, na jambo hio ni dhambi. Watu wengine huwazui watu wasiokoke, wewe unapolizuia jambo hilo kwa kulikataza, unakuwa kinyume na mapenzi ya Mungu, kumbuka Mungu anasema jambo hilo yeye analikubali,na  ni zuri kwake. “Hili ni zuri, nalo lakubalika mbele za za Mungu Mwokozi wetu; ambaye hutaka watu wote waokolewe....” (1Timotheo 2:3-6), Kwa ufupi unatakiwa leo ujue kuwa unapaswa kuupokea wokovu kwa sababu ni mapenzi ya Mungu, si mapenzi ya watu fulani au ya dhehebu Fulani,  wokovu ni mapezi ya Mungu kwa kila mtu, Swali langu kwako, je! Umeokoka? Kama bado fahamu unayazuia mapenzi ya Mungu  nakushauri yaruhusu leo mapenzi ya Mungu yatimizwe kwako, kwa kuupokea huo wokovu. 

BY WILLY M.SAMLEGA

SALAM MAALUM ( SPECIAL GREATINGS) BY WILLY

SALAM MAALUM ( SPECIAL GRETINGS)

Ebu Soma Maneno Haya."Akanena mfano huu; mtu mmoja alikuwa mtini umepandwa katika shamba lake la mizabibu, akaenda akitafuta matunda juu yake asipate.akamwambia mtunzaji wa shamba la mizabibu, Tazama, miaka mitatu hii naja  nikitafuta matunda juu ya mtini huu nisipate kitu; uukate mbona hata nchi unaiharibu? Akajibu akamwambia Bwana uuche mwaka huu nao, hata niupalilie, niutie samadi; nao ukizaa matunda baadaye, vema! La, usipozaa, ndipo uukate."(Luka 13:6-9).

Umeyaona Maneno hayo? Mungu amekupa mwaka huu mpya anasababu nzuri tu. ukiyaangalia maneno hayo unagundua kuwa ikiwa mimi na wewe hatumzalii Mungu matunda basi huwa na tabia ya kutukata. Hata Kwenye kitabu cha Yohana15:1-5 anazungumzia jambo hilihili. Hapo anasema. Kila tawi lililo ndani yake ambalo halizai matunda hulikata. Fikiria tawi lililo ndani yake kama halizai matunda Yesu analikata. Kumbuka si yale matawi yaliyo nje yake! Anasema yaliyondani yake! Wewe leo hii umepewa nafasi ya kuuona mwaka huu inawezekana unapaliliwa na umewekewa samadi yaani mbolea ili uanze kumzalia Mungu Matunda. Na kama ulimzalia mwaka uliopita basi mwaka huu uzidushe matunda ili USIKATWE!

Matunda nini? Matunda ni matokeo! Au tabia. Ebu angalia mwaka uliopita ulikuwa na tabia gani? Kama ulikuwa na tabia mbaya basi badilika mwaka huu. Neno la Mungu limeyataja matunda yapatayo manne.

1.       

2.      Tunda la kazi. (Wafilipi 2: 21-24).
2. Tunda la Roho (Wagalatia 5:22-23).
3. Tunda la midomo iungamayo jina la Bwana (Waebrania13:15)
4. Tunda la haki ( Yakobo3:18).

Hayo ndiyo matunda Mungu anataka umzalie sana.

Tunda la kazi: kuna aina mbili za kazi. Kazi ya mikono. Na kazi ya kumtumikia Mungu.  Kila Mkristi anawajibu wa kuujenga Ufalme wa Mungu. Kama kuhuburi  injili kufundisha nk. Unaweza kutumika kwa kuomba. Ona maombi yako ya mwaka jana yalikuwaje? Uliwaombea watumishi  kwa kiwango gani? Ulitoa mali zako kwa kiwango gani ili kazi za Mungu zitendeke?  Wewe mwenyewe jipime. Kama hukufanya kwa uzuri badilika mwaka huu.

Tunda la midomo: Lazima uhakikishe midomo yako aisemi mambo madhaifu  yaani usikiri udhaufu. Usitukane usiseme uongo nk. Swali langu  kwako ni hili ni kiwango gani ulikuwa nacho mwaka uliopita cha kumtukuza  Yesu Kwa kupitia kinywa chako? Ulimlaumu Mara ngapi na ulimsifia mara ngapi? Mwaja huu badilika

Tunda la Roho: tabia yako ilkoje? Unaupendo kwa watu kwa kiwango gani? Je! Moyoni mwako umeifadhi huzuni au furaha? Je! Ni mtu wa uliyekata tamaa au umejaa uvumilivu? Wewe ni mtu wa namna gani? Ni mpole wewe au ni mkatili? Jipime, kama mwaka jana ulikuwa na tabia mbaya mwaka huu badilika

Tunda la haki: je! Wewe ni mtu wa Haki? Unawapa watu wote haki zao zilizo mkononi mwako? Je! Una amani na watu wote? Tunda la haki linazaa amani na kila mtu angalia maneno haya ". Na kazi haki itakuwa amani; na  mazao ya haki yatakuwa ni  utulivu na  matumaini daima"    (Isaya 32:18).

Je! Wewe ukoje! Unamatumaini au umepoteza matumaini? je!  Wewe ni mtulivu? Kwa kiasi gani? Ukiudhiwa unatukua au ndiyo unapoteza utulivu na kulipa kisasi.

Ndugu ebu jipime matunda yako uliomzalia Bwana yakoje. Kama hayaja kaa sawa basi rekebisha mwaka huu. Kama tako vizuri basi usijiruhusu kuludi nyuma songa mbele.

Nakutakia baraka na amani tele katika Mwaka huu mpya. Yesu awe nawe na atukuzwe kwa kupitia wewe.  Barikiwa!!!!

 

MAISHA BAADA YA WOKOVU /LIFE AFTER BEING BORN AGAIN

Maisha baada ya kuokoka...

Maisha baada ya wokovu - Je yanipasa kuishi maisha gani?

Ikiwa umepata wokovu, basi yapo mambo ambayo inakupasha kuyafanya na kuyaishi. Jifunze juu ya mambo haya.

 

Mambo ya msingi yakupasayo kuyafanya baada ya kuokoka  

 

Ndugu yangu baada ya kuokoka tu, kuna swali na amini liko ndani ya moyo wako, unajiuliza, sasa leo hii nimeokoka nifanyenini sasa?   Ni kweli ikiwa umeokoka kuna mambo muhimu ambayo unatakiwa uanze kuyafanya, yapo mambo mengi sana,lakini ebu nikupe haya mambo ya msingi ambayo unapaswa kuyafanya.

 

Jambo la kwanza 

===============================================

 

Jambo la kwanza ambalo  Mungu anataka kuliona kwako likitendeka baada ya kuokoka, ni kukuona ukiukulia Wokovu. “Kama watoto wachanga waliozaliwa sasa yatamanini maziwa ya akili yasiyo ghoshiwa,ila kwa hayo mpate kuukulia wokovu;” (1PETRO 2:2)

 

Baada ya wewe kuhamishwa kutoka katika ufalme wa giza na kuingizwa katika ufalme wa Nuru, yaani chini ya utawala mpya ambao unataratibu tofauti na ule utawala wa kwanza ambao inawezekana umeishi chini ya utawala huo kwa muda wa miaka mingi, Mungu anataka akuone sasa ukianza kuyajua mambo mapya yaliyoko katika utawala wake,  anaposema kuukulia wokovu, maana yake  kubwa ni kuzidi kuyajua  mapenzi yake Mungu,  Uzidi kujua kwa upana upendo wake kwako, uzidi kujua Uwezo wake ulivyo mkuu na nguvu zake zilivyo, uzidi kujua ni nini umekusudiwa ukipate baada ya kuingia katika Ufalme wa Nuru, ona maneno haya yasemavyo, “Kwa sababu hiyo mimi nami,tangu nilipopata habari za imani yenu katika Bwana Yesu,na pendo lenu kwa watakatifu wote,siachi kutoa shukrani kwa ajiri yenu; nikiwakumbuka katika sala zangu, Mungu wa Bwana wetu Yesu Kristo,Baba wa utukufu,awape ninyi roho ya hekima na ya ufunuo katika kumjua yeye; macho ya mioyo yenu yatiwe nuru, MJUE tumaini la mwito wake jinsi ulivyo; na UTAJIRI WA UTUKUFU WA URITHI WAKE KATIKA WATAKATIFU JINSI ULIVYO; kwa kadili ya utendaji wa nguvu za uweza wake;…” (WAEFESO 1: 15-19)  

 

Neno la Mungu linatufundisha hapo kuwa Mungu anataka wewe na mimi baada ya kuokoka tu kwa njia ya imani,  tuanze kuyajua hayo mambo aliyoyataja Mtume Paulo na mengine mengi, anataka ujue tumaini la wito wake jinsi ulivyo, Mungu amekuita baada ya kukita amekukusudia nini? Anataka ujue baada ya kuokoka nini unachotakiwa ukitalajie kutoka kwake, ujue baraka zako au haki zako ambazo Mungu amewa ahidia kuwapa wale wote walio upokea huo wokovu, kwa mfano Baada ya wewe kuokoka, Kuna kuna vitu ambavyo Mungu anakupa, anataka uvijue, angalia maneno haya “Je! Yuko malaika aliyemwambia wakati wowote uketi mkono wangu wa kuume,hata nitakapoweka adui zako chini ya nyayo zako? Je! Hao wote si roho watumikao, wakitumwa kuwahudumu wale wataourithi wokovu!” (EBR 1: 13-14)  

 

Neno la Mungu hapo linatufundisha kuwa moja ya baraka amabazo walioupokea wokovu wanazipokea ni hizi za kupewa wahudumu wa kuwahudumia, na wahudumu hao ni malaika.  Mtume Paulo alijua wazi kuwa kunamambo mengi ambayo Mungu ameyakusudia kuwapa watu wote watakao urithi wokovu, akaamua kuwaombea hao watu  ili Mungu awasaidie kuyajua hayo yote, akawaombea hao ndugu waliompokea Yesu kama Bwana na mwokozi wao  wapewe Roho ya ufunuo wa kumjua Mungu, pia akawaombea wapate ufahamu rohoni mwao wa kujua utajiri waliopewa na Mungu baada ya kuokoka, pia macho yao ya ndani yaone kila kitu ambacho Mungu anacho na amekiweka kwa ajiri ya watu wale walioamua kumpa Yesu maisha yao. 

  

Na amini umeelewa maana ya kuukulia wokovu sasa, Sikia tena,unapozidi kujua  ndipo unapozidi kukua, au kwa lugha nzuri ndipo ufahamu wako wa kumjua Mungu unapokuwa mkubwa, na hilo ndilo kusudi la Mungu kwako, anataka akukuze ufahamu wako katika kumjua yeye na pia uyajue mapenzi yake kwa upana zaidi, angalia maneno yake haya ya semavyo kuhusu jambo hili “Kwa sababu hiyo sisi nasi, tangu siku ile tuliposikia, hatuachi.kufanya maombi na dua kwa ajiri yenu,ili mjazwe maarifa ya mapenzi yake katika hekima yote na ufahamu wa rohoni” (WAKOLOSAI 1:9.) Mungu anataka wewe ndugu upate kujazwa maarifa,hekima na ufahamu wa rohoni, mambo ya rohoni ni mambo ya Kimungu, anataka ujazwe ufahamu wa mambo ya kimungu, Hiyo ndiyo maana ya kuukulia wokovu. 

 

Namna ya kufanya

 

Ili upate kukua au kuanza kuyajua mambo hayo yote, unatakiwa uanze kuyanywa maziwa yasiyoghoshiwa.  Neno hilo lina maana maziwa yasiyochanganywa na  maji, mtoto mchanga azaliwapo, huwa hapewi chakula kigumu, hunyonya maziwa ya mama yake, na kama akipewa maziwa ya ng’ombe au mbuzi, ni lazima maziwa hayo yachanganywe na maji kidogo,  hata wewe ili leo hii uanze kuukulia wokovu inatakiwa uanze kunywa maziwa yasiyo changanywa na maji, “Kama watoto wachanga waliozaliwa sasa yatamanini maziwa ya akili yasiyoghoshiwa, ila kwa hayo mpate kuukulia wokovu;” (1PETRO 2:2)   Maziwa hayo Neno la Mungu linayaita “maziwa ya akili”, au maziwa ya ufahamu, unaweza ukawa na swali maziwa hayo nini?  Maziwa hayo ni Neno la Mungu, angalia maneno haya yasemavyo “ Ambaye tuna maneno mengi ya kunena katika habari zake; na ni shida kuyaeleza kwa kuwa mmekuwa wavivu wa kusikia. Kwa maana,iwapasapo kuwa waalimu, (maana wakati mwingi umepita) mnahitaji kufundishwa na mtu mafundisho ya kwanza ya maneno ya Mungu; nanyi mmekuwa mnahitaji maziwa wala si chakula kigumu kwa maana kila mtu atumiaye maziwa hajui sana neno la haki, kwa kuwa ni motto mchanga. lakini chakula kigumu ni cha watu wazima, ambao akili zao kwa kutumiwa zimezoezwa kupambanua mema na mabaya. ” (EBR 5:11-14) 

 

 Ukisoma maneno hayo kwa kutulia utagundua wazi kuwa,  Biblia inapozungumzia hapo kuhusu maziwa  inataja wazi kuwa maziwa ni Neno la Mungu, Kwa maana hiyo kama unataka kuukulia wokovu unatakiwa uhakikishe unalitafuta neno la Mungu iliutoke katika hali ya utoto na ukue. Hao ndugu walikuwa watoto kwa sababu walikuwa wavivu wa kulisikia neno la Mungu, “ Ambaye tuna maneno mengi ya kunena katika habari zake; na ni shida kuyaeleza kwa kuwa mmekuwa wavivu wa kusikia.” (EBR  5:11)  Kitu kilichopelekea hao ndugu kukaa katika hali ya utoto kwa muda mrefu ni uvuvi waliokuwa nao wa kulisikia neno la Mungu,  Kama unataka kuukulia wokovu unatakiwa uhakikishe unaondoa uvivu wa kulisikia neno la Mungu, neno la Mungu tunaweza kulisikia kwa namna nyingi sana, Kwa kulisoma, Fahamu unaposoma unasikia, weka bidii kusoma Biblia, kusoma vitabu mbalimbali ambavyo waalimu wa neno la Mungu wameviandika, pitia tovuti (website) mbalimbali za watumishi wa Mungu, soma waliyoyafundisha nenda kayahakikishe kwenye Biblia yako kama ni sahihi.  Pia unaweza kusikia mafundisho kwa kupitia semina,mikutano, ibadani kwenu, hata kwa kununua kanda za mafundisho ya neno la Mungu, cd.au vcd ama dvd nk. Ukiweka bidii katika kusikia fahamu hata imani yako kwa Mungu itakuwa kubwa sana, pia ufahamu wako wa Mambo ya Mungu utaongezeka siku hata siku. Ndani ya neno la Mungu huko ndiko kuna maarifa na ufahamu wa kumjua Mungu na kumcha. Sikiliza haya maneno ya Mungu yasemavyo“ Mwanangu. Kama ukiyakubari maneno yangu na kuyaweka akiba maagizo yangu; hata ukatega sikio lako kusikia hekima, ukaelekeza moyo wako upate kufahamu; naam ukiita busara na kupaza sauti yako upate ufahamu; ukiutafuta kama fedha, na kuutafuta kama hazina iliyositirika; ndipo utakapofahamu kumcha Bwana, na kupata kumjua Mungu.” (MITHALI 2: 1-5) 

 

Ili leo hii upate ufahamu, upate kujua kumcha Mungu, lazima uweke bidii ya kulitafuta neno la Mungu kama vile unavyotafuta fedha, kama unabidii kubwa ya kutafuta fedha bidii hiyo hiyo unafundishwa uiweke katika kulitafuta neno la Mungu, ndani ya neno la Mungu huko ndiko kuna maarifa yote, ili leo hii upate kuishinda dhambi yapo maarifa ndani ya neno la Mungu, ili leo hii upate kubarikiwa, maarifa ya kubarikiwa yapo ndani ya neno la Mungu, neno la Mungu ndio dila ya maisha yote atakayo Mungu uyaishi ukiwa hapa duniani, Mungu ameweka siri zake humo ndani ya neno lake. Ili uendelee kuokolewa kila siku maarifa yake yamo ndani ya hilo neno la Mungu, inawezekana ukawa na swali hili ikiwa nimekosea baada ya kuokoka ninatakiwa nifanyenini?, Sikia maarifa hayo yamo ndani ya neno la Mungu sikia neno lisemavyo “ Watoto wangu wadogo, nawaandikia haya ili kwamba msitende dhambi. Na kama mtu akitenda dhambi tunaye mwombezi kwa Baba, Yesu Kristo mwenye haki. Naye ndiye kipatanisho kwa dhambi zetu; wala si kwa dhambi zetu tu,bali na kwa dhambi za ulimwengu wote” (1YOHANA 2:1-2)   Weka bidii ya kulisoma neno la Mungu,na kulisikia hapo ndipo utakapo ukulia wokovu. Naamini umeelewa jambo la Kwanza.

 

Jambo la pili 

===============================================

 

NI KUOMBA AU (KUZUNGUMZA NA MUNGU)   

 

Jambo la pili muhimu ambalo unatakiwa ulifanye ni kuomba. Nini maana ya kuomba? Kuomba ni kuzungumza au kushirikiana na Mungu, Mungu anataka kushirikiana na wewe, Kumbuka ulipo okoka alilejeza ushirikiano kati yake na wewe, kwa hiyo anataka kuudumisha ushirika huo, na ushirika huo utaudumisha kwa kupitia maombi, Neno la Mungu linasema hivi “Haya njooni tusemezane,asema Bwana. Dhambi zenu zijapokuwa nyekundu sana, zitakuwa nyeupe kama theluji; zijapokuwa nyekundu kama bendera,zitakuwa kama sufu” (ISAYA 1: 18). Mungu anataka kusema nawe, na amekupa kibali cha wewe kwenda kuzungumza naye, ameamua kukusamehe, na baada ya kukusamehe,amekupa nafasi ya kusema naye, tunasema na Mungu kwa njia ya maombi. 

 

Baada ya kumpokea Yesu fahamu yuko ndani yako, hayupo mbali na wewe yuko karibu, anachotaka ni wewe kumshirikisha kila jambo, ukiwa unauhitaji fulani anataka umwambie akusaidie,  angalia maneno haya ya Mungu yanavyotufundisha, “ Furahini katika Bwana siku zote, tena nasema furahini, upole wenu na ujulikane na watu wote. Bwana yu karibu. msijisumbue kwa neno lolote; bali katika kila neno  kwa kusali na kuomba pamoja na kushukuru, haja zenu na zijulikane na Mungu” (WAFILIPI 4:4-7)

 

 Mungu anataka umshirikishe kila unacho hitaji, hapendi kukuona wewe ukijisumbua peke yako, anataka ushirikane naye umweleze kila kitu, usimfiche ikiwa umekwama katika kona fulani mweleze nk.  Hata ukikosea omba maombi ya kuomba msamaha, atakusamehe, ikiwa unaumwa omba uponyaji atakusaidia, ikiwa unashida yoyote ile mwambie, atakusikia kwa kuwa hayupo mbali nawe, kumbuka yupo karibu sana na wewe kuliko vile unavyo fikiri. Unaweza kuwaza moyoni mwako kuwa mimi sijui kuomba, sikiliza hakuna anaejua kuomba.   Neno la Mungu lina sema hivi, “Kadharika Roho naye hutusaidia udhaifu wetu,kwa maana hatujui kuomba jinsi itupasavyo; lakini Roho mwenyewe hutuombea kwa kuugua kusikoweza kutamkwa, naye aichunguzaye mioyo aijua nia ya Roho ilivyo kwa kuwa huwaombea watakatifu kama apendavyo Mungu.” (WARUMI 8: 26-27) 

 

Mimi na wewe hatujui kuomba.  Neno la Mungu linasema wazi hapo, wewe anza kuomba tu, usiogope kuwa utakosea, ondoa wazo kuwa Mungu anawasikia watu Fulani tu, Mungu anamsikia kila mtu aliye na imani kwake, na ambaye hamfichi dhambi zake, kumbuka anasema njooni tusemezane,  amekuahidi kukusafisha dhambi zako zote, hata kama ni nyekundu sanaa, anachotaka ni hiki, usimfiche maovu yako, ziungame dhambi zako zote mbele zake, atakusamehe,ndipo umuombe, na ukimwomba atakupa hicho umwombacho,  kama unataka kuukulia wokovu, weka bidii katika eneo hili la kuomba.  Kinachotakiwa ukifanye kwenye maombi yako omba kwa Jina la Yesu Kristo. Usisahau kulitumia jina hili katika maombi yako, ili maombi yako yashughulikiwe mbinguni, lazima uyagonge muhuli wa jina la Yesu Kristo. Bwana Yesu anatufundisha kuhusu habari za maombi anasisitiza sana kuhusu jambo hili la kuomba, na anapo tufundisha kuomba anatutaka tunalitumia jina la Yesu katika maombi yetu. “ Tena siku  ile hamtaniuliza neno lolote. Amin, amin, nawaambia,mkimwomba  Baba neno lolote atawapa kwa jina langu. Hata sasa hamkuomba neno kwa jina langu; ombeni nayi mtapata; furaha yenu iwe timilifu” (YOHANA 16:23-24)

 

Jifunze kulitumia jina la Yesu katika maombi yako, pia jifunze kuwasamehe watu wote waliokukosea kabla hujaingia kwenye maombi. Neno la Mungu lina sema hivi “ Nanyi kila msimamapo na kusali,sameheni mkiwa na neno juu ya mtu; ili na Baba yenu aliye mbinguni awasamehe ninyi makosa yenu.  (Lakini kama ninyi hamsamehe,wala Baba yenu aliye mbinguni  hatawasamehe ninyi makosa yenu)”  

(MARKO 11: 25-26).  Jifunze kuwasamehe watu wote waliokukosea kabla haujaingia kuomba, kwa kufanya hivyo utajikuta unafanikiwa sana katika eneo hili la kushirikiana na Mungu kwa njia ya maombi. Hili ni jambo Muhimu  katika habari za kuukulia wokovu ulioupokea.

 

Jambo la tatu 

===============================================

 

Jambo la tatu ni hili, waambie watu wegine kuwa umeokoka. Sikiliza ikiwa leo hii unataka Mungu azidi kukukuza katika wokovu unatakiwa ujifunze kumkiri Yesu kwa kupitia kinywa chako kama Bwana na mwokozi wako, sikiliza maneno haya yanavyotufundisha. “Kwa sababu ukimiri Yesu kwa kinywa chako ya kuwa bni Bwana, na kuamini moyoni kuwa Mungu alimfufua katika wafu, utaokoka. Kwa maana kwa moyo mtu uamini hata kupata haki,na kwakinywa hukiri hata kupata wokovu” (WARUMI 10:9-10). Maneno hayo ya Bwana yanatupa maarifa makubwa sana, unatakiwa uamini moyoni mwako na pia uanatakiwa ukiseme kile ulichokiamini anasema wazi kuwa ili uupate wokovu inakusapasa ujifunze kuamini moyoni kuwa Yesu ndiye Bwan mwokozi wako, na pia ukiri au useme kwa kinywa chako kuwa Yesu ndiye Bwana na mwokozi wako,  ikiwa leo hii umempokea Yesu kama Bwana na mwokozi wako usiogope kuwambia watu wengine kuwa UMEOKOKA!. Ukifanya hivyo ndipo unapoumbiwa wokovu kila siku, kwanini useme? Sikiliza Mungu anaumba matunda ya kinywa chako. “Mimi nayaumba matunda ya midomo” (ISAYA 57:19A).

  

Mungu ana tabia ya kuyaumba yale uyasemayo, sasa ikiwa leo hii utaanza kukiri au kusema Yesu ameniokoa, ndipo Mungu atapo umba wokovu kwako! Umeona hilo jambo la tatu lilivyo muhimu?  Kama leo hii hutaki kwenda mautini, lazima ujifunze kuumba pamoja na Mungu wokovu wa kukutoa mautini. Unaweza kujiuliza nitaumbaje pamoja na Mungu?  Sikiliza  Mungu anayaumba yale uyasemayo, ukisema umeokoka kutoka mautini na Yesu ndiye mwokozi wako, fahamu ndipo utakuwa unaumba wokovu huo pamoja na Mungu, kwa kuwa Mungu anaumba yale tuya semayo, ebu angali maneno haya yasemavyo. “Mauti na uzima huwa katika uwezo wa ulimi; na wao wa upendao watakula matunda yake.” (MITHALI 18 : 21). Kuna nguvu kubwa sana ya uumbaji kupitia maneno uyasemayo, neno la Mungu hapo linasema mauti na uzima huwa katika uwezo wa ulimi. Yaani kile unachokisema ndicho kitakacho kupa Uzima au mauti, iwapo utaanza kusema kuwa umeokoka, basi fahamu ndipo utakapokuwa unaumba uzima  katika maisha yako .  Basi ndugu yangu mpendwa  ikiwa umeokoka usisite kusema kwa watu kuwa umeokoka! Hapo utakuwa unaukulia wokovu. 

 

Na amini kwa sehemu umefahamu ni mambo gani muhimu unayotakiwa uyafanye baada ya kuokoka, ya fanyie kazi na ndipo utakapo ukulia wokovu, Mungu Yesu Kristo akubariki sana.

 

 by willy m.samlega

JUSES WAS BORN IN BETHELEHEUM ,HE WANT TO BE BORN IN YOUR HEART THIS CHRISTMAS

LONG TIME AGO JUSES CHRIST WAS BORN MANY PROPHET THEIR PROCLAMED ABOUT  HIS BIRTH, LOOK AT LUKE 2:1.....................

Dr LUKE IS  WRITE ABOUT THE BIRTH OF OUR LORD JUSES CHRIST, 25 DECEMBER EVERY YEAR THE WOURLD IS CELEBRATIG THE BIRTH OF JUSES CHRIST, THE MATER HERE IS NOT TO CELEBRATE IS TO ASK JUSES TO TAKE PLACE IN YOUR LIFE(HEART).

THE BIBLE EXPLAIN THAT MARY AND JOSEPH THEIR FAILED TO GET A ROOM AT GUEST HOUSE, BECAUSE MANY VISTORS AT BETHELEHEUM, THEIR DICED TO FIND APLACE WHERE MARYCAN HAVE A PLACE IN ORDER TO  HAVE A CHILD, SHE WAS A PREGNANT.

THIS WEEK JUSES LOOKING A PLACE IN ORDER HIM TO BE BORN IN YOUR HEART.


BY EVENGELIST

WILLY.

LIFE OF APOSTELS AND THEIR DEATH/ MAISHA YA MITUME NA VIFO VYAO

MAISHA NA VIFO VYA MITUME WA BWANA YESU KIRISTO.

YESU ALISEMA MTU AKITAKA KUMFUATA SHARITI AJIKANE MWENYEWE NA KUUBEBA MSALABA WAKE NDIPO AMFUATE:MATHAYO 16:24 SOMA WAFILIPI 1:29 1PETRO 4;14

MTUME PETRO.

Mtume Petro a lipata mateso makalili  aliya pata kwa kusulubiwa kichwa chini miguu juu, hii ni adhabu aliyo I chagua yeye baada ya kushitakiwa kwa ajili ya kumhubili bwana yesu. Hakutaka  kusulibiwa kama yesu kiristo.

MTUME YOHANA (YOHANA NTAKATIFU)

Mtume huyu alipendwa sana  na bwana yesu kwa mjibu wa bilbilia na vitabu mbalimbali kama histoaria ya kanisa, bibilia ya mafunzo ya uzima tele, pia comentally  ya bibilia, bible dictionary,

Ni mtume pake yake aliye kufa kifo cha kawaida, ila alipitia majilbio kadha wa kadha ya kumuua,

>mtume huyu aliwekwa kwenye pipa la mafuta yanayo chemuka lakini  alitoka hai,

>mtume huyu alikatwa kichwa bila mafanikio ya watesaji  bila kukatika shingo yake

>Alifungwa nyasi mwili mzima  na kuchomwa moto, nyasi ziliungua lakini yeye na nguzo zake hakuungua

>Alipigwa mawe mpaka  walipo lizika na kuzani amekufa lakini aliinuka na kuendelea na shughuli zake kama kawaida

>kaisari Domatian aliamua kumtupa katika kisiwa cha  patimo, ili afe huko kisiwa kilikuwa kimejaa  barafu na baridi  lakini hata hivyo  mtume yohana hakufa badala yake akapata  ufunuo wa kitabu cha ufunuo wa yohona. Jambo lamaana ni kwamba mtume yohana akiwa patmo alipwe ufunuo,wakati maadui wa injili walio dhani baridi na njaa vitamuua mtume yohona matokeo yake ni kupata  ufunuo wa mbiguni. Inasemekana mtume yohana baada ya kuhubili  injili huko efeso alikufa kifo cha kawaida tu huko efeso.

MTUME YAKOBO

Mtume yakobo nimutume wa wanza kuuwawa na ndiye mtume pekee ambaye habari za kifo chake zimeandikwa katika kitambu cha matendo ya mitume.

>mtume huyu alishitakiwa kwa mashitaka ya uongo kisha  wakampeleka mahali pa kukatwa kichwa  kwa upanga. Jambo la kutia moyo katika historia hiyo ni pale  Yule mtu laliy jitolea au aliye pedekezwa na heredo kutoa mashitaka ya uongo. Aliamua kumsindikiza mtume yakobo akiwa anakwenda  kuuwawa baada ya kuona muonekano wa mtume yakobo ni tofauti  na vile alivyo tarajia.kwani alitalajia kuwa angekuwa mnyonge, mwenye hofu na mashaka lakini matokeo yake  mtume yakobo akawa mwenye furaha kuu akiimba nyimbo za kumsifu mungu.yule mtoa mashitaka ya uongo alipo ona hayo alishikwa na hofu kuu na kuamini kuwa kweli mungu yu pamoja na mtume yakobo.wakati wa kuuwawa kwake,yakobo aliona uso wake uking’aa kwa furaha kuu ndipo naye akaamuua kumpokea bwana na kutangaza kuwa naye ameokoka . wote wawill walikatwa vichwa siku moja kwa upanga ule ule.

MTUME MATHAYO

Mtume huyu mathayo ni Yule ambaye alikuwa mtoza ushurumaliko 2:14 mthatyo 9:9 mtume alihubiri maeneo mbalimbali,kama jelusalem, Ethiopia, iran,

> mtume huyu aliuwawa kwa kukatwa kichwa chake.

MTUME PHILIPO

Mtume philpo alihubili maeneo mbalimbali, aliuwawa kwa kusulubiwa msalabani

MTUME ANDREA

Kuhusu huyu mtumishi soma yohana 6:9 yohana 12:22

Mtume huyu alihubili injili katika inchi ya ugiliki , alikufa kwa kusulubiwa kwa msalaba wa x yanimbao mbili zilisimikwa chini ya andrea akaangikwa ili afe polepole. Walimfunga kwa kamba ilichukua muda wa siku tatu akafa.

MTUME YUDA WA YAKOBO

Mtume huyu likuwa akihubili injili nakufanya miujizaa alichukiwa kwa chuki kuu na wa Armenia wakamkamata na kumsulubisha. Akiwa msalabani wakamchoma mkuki akafa.

MTUME SIMON MAKANYO

Mtume huyu alikuwa akifany akazi ya kuhubili injili aliwa huko uajemi aliuwawa.

MTUME BATHALOMEYO

Mtume huyu ni moja ya wanafunzi wa mwanzo wa bwana yesu,alihubili injili kama vile india,pathia, Arabia na Armenia, alipo kuwa huko Armenia ndipo alipopata mateso mengi sana kwaajili ya imani ya kiristo na jina la yesu, mtume huyu alikuwa na mke mumoja na watoto wawili wa kike.mmoja alikuwa ni muombaji na mwingine alikuwa mwimbaji.mtume bathelomeyo alivuliwa nguo zote huko armania na kukatwa mshipa wa damu kwenye mkono wake. Kasha damu yake ilikingwa kwenye glasi mbili na kupewa mkewenye  mkewe ambaye alikunywa na baada ya kumaliza kunywa damu ya mume wake akasema maneno yaha “mume wangu jipe moyo mimi natangulia kwa baba”kasha baada ya kusema hayo akaangunguka chini akafa.

>Vile wale mabinti wawili walipewa glasi moj moja ya damu ya babayao nao wakasema “baba  jipe moyo sisi tunatangulia kwa baba”nao pia wakafa mumoja mumoja.

>baada ya zoezi hilo kumalizika wakaamuua mtume bathelomeyo toka pale alipolala na kuanza kumchuna ngozi yake, baada ya juchuna ngozi yake yote  inasadikika alikuwa bado hai hivyo wakaamua kumtundika msalabani, baada ya kuona kwamba hajafa waliamua kuchukua na kumtumbukiza kwenye pipala mafuta ya moto.

MTUME YAKOBO (aitwaye mdogo)

Mtume  huyu yakobo anaitwa mdogo ilikutofatisha kati ya yakobo ndugu yake yohana,kifo chake imeonekana katika kitabu cha matendo sura ya 12, alikuwa akihubiri yelusalem.

>aliuuwawa kwa kupigwa mawe huko jelusalem na wayahudi.

MTUME YUDA ISAKRIOTE

Mtume huyu alijinyonga baada ya kuisaliti damu isiyo na hatia,nafasi yake ilichukuliwa na mtume mathia.

MTUME MATHIA

Mtume huyu aliuwawa kwa kupigwa mawe akiwa huko kolosai katika huduma ya injili.

MTUME PAULO

Mtume huyu ni maarufu sana katika miongoni mwa mitume, alipata mateso mengi sana mara nyingi kama kupigwa viboko 39, kufungwa gerezani, kupigwa mawe,

>mtume huyu aliuwawa kwa kukatwa kichwa chake huko rumi.

MWINJILISTI MARKO

Mtumishi huyu aliuwawa kwa mateso kwani alikuwa akifanya huduma ya injili huko misiri, wamisirli walimuonea wivu na kumkamata, kasha wakamfunga kamba miguu yote miwili kisha  wakaanza  kumburuza barabarani. Kichwa kilikuwa chini na mgongo ukiburuzika chini na ukiendelea kuchubuka na kuchuruzika damu.baada ya mateso hayo makali wakamfikisha gerezani akiwa nyama zake zimekwisha katika mwili wake, kisha wakamuweka gerezani ambako walimwangia mafuta na kisha kumchoma moto.huo ndio ukawa mwisho wa maisha ya mwinjilisti marko.

MWINJILISTI LUKA (Dr Luka)

Dr luka yeye alikuwa tabibu, mtumishi huyu wa mungu inasemakana alifanya kazi ya kuchunga makanisa na kuhubiri sehemu mbalimbali, mtumishi huyu haijulikana kwamba alikufa kwa kifo gani na wapi inasadikika aliasilika na mateso ya kanisa chini ya mfalme nero wa dola ya rumi.

MTUME YAKOBO (NDUGU YAKE BWANA YESU)

Mtume yakobo ni ndugu wa kunyonya wa bwana yesu mathayo 13:55.  Mtume huyu alikuwa anafanya huduma yake katika mji wa yelusalemu aliuwawa kwa kupigwa kwa mawe baada ya kupandishwa juu ya mnara wa hekalu la yerusalemu na kuambiwa ajiangushe chini.

MTUME STEPHANO

Alipigwa kwa mawe mpaka kufa, na sauli ambaye ni Paulo alikuwa akishuhudia kifo cha stephano huyu ni moja wa mashahidi wa imani.

Mwangalie ayubu katika mateso yote hakumwacha mungu, Daniel, misheck shadraka na abinego hawa kumwacha mungu, waliinua macho juu ambako msada wa mungu unatoka.

Unaweza kusoma zaidi katika bibiliaya mafunzo ya uzima tele, hollman illustrated bible dictationary,simith bible dictionary

Nb:  naamini kwa kusoma habari ya watumishi wa mungu utapata hatua ya kwenda mbele kiimani bira kumwacha yesu. Yesu mwenyewe alisema’’ kama mti mubichi unaweza kutendewa hivi itakuwaje kwa mti mkavu?’’ mtu mkavu ni mwanadamu.pia alisema’’ kama mwenye nyumba ametendewa hivi itakuwaje kwa wakaaji wa nyumba?’’

Ujumbe huu umeandaliwa nami M.samlega Willy  mwinjilist na mhubiri,

Kama unashida ya unaweza kunipata kwa mawasiliano hapa chini.

p.o.box 3392

mbeya city-tanzania

email: willyministry@yahoo.com

willhopefoundation@rocketmail.com

simu +255 0762 060641/0713 151874/